“Манчестер Юнайтед”: “Чойхона отмен!”

“Манчестер Юнайтед” раҳбарият бош мураббий Эрик тен Хаг бошчилигидаги жамоа мавсумни муваффақиятсиз ўтказди, деб топди.

Оқибатда 20 май кунига белгиланган анъанавий банкет бекор қилинди. Бу ҳақда Daily Mail нашри хабар тарқатди.

Манчестерликлар учун жорий мавсум 25 май куни тугайди. Шу куни Эрик тен Хаг шогирдлари Англия кубоги финалида “Манчестер Сити”га қарши “Уэмбли” стадионида саф тортади.

“Юнайтед” футболчилари ички чемпионатда яна иккита ўйин ўтказиши керак. 15 май куни жамоа “Ньюкасл”ни қабул қилади ва орадан тўрт кун ўтказиб, “Брайтон” меҳмони бўлади.