"Манчестер Юнайтед" "Барселона" ҳужумчисига 60 миллион евро таклиф қилмоқчи

"Барселона" ҳужумчиси Ансу Фати "Манчестер Юнайтед" қизиқишлари доирасида. Манкунианликлар ёзги трансфер ойнасида 20 ёшли испаниялик футболчини сотиб олмоқчи.

"Todofichajes" нашрининг хабарига кўра, "қизил иблислар" раҳбарияти футболчи учун каталонияликларга 60 миллион евро таклиф қилмоқчи.

Эслатиб ўтамиз, Испания чемпионатининг жорий мавсумида Фати 20 учрашувда қатнашиб, 3 та гол урди ва 3 та голли узатмани амалга оширди. Ҳужумчининг "кўк-анорранглилар" билан шартномаси 2027 йилгача мўлжалланган.