“Манчестер Сити”да ўйнаган машҳур футболчининг ўғли вафот этди

Англия футболи юлдузларидан ҳисобланган Стюарт Пирс оғир жудоликка учради. Унинг 21 ёшли ўғли Харли Глостершир шаҳри яқинида юз берган ҳалокат қурбони бўлди.

The Guardian нашрининг ёзишича, Харли тракторни бошқариб кетаётганида балон ёрилиши оқибатида ҳалокатга учраган. Полиция берган маълумотга кўра, йигит воқеа жойидаёқ вафот этган.

Харли Пирс Марлборо шаҳрида яшаб келган. У Стюарт Пирснинг икки фарзандидан кичиги эди.

Стюартнинг ўзи Англия миллий терма жамоасида 78 та учрашув ўтказиб, ўз ҳисобига бешта гол ёздириб қўйган. 2012 йилда бош жамоани вақтинчалик бошқаргани билан ҳам машҳур.

Пирс 1978 йилдан 2002 йилгача давом этган фаолиятида “Уилдстон”, “Ковентри Сити”, “Ноттингем Форест”, “Ньюкасл Юнайтед”, “Вест Хэм Юнайтед” ва “Манчестер Сити”да ўйнаган.

Таниқли футболчига Англия Премьер-лигаси клублари таъзия изҳор этмоқда. Ҳозиргача, “Манчестер Сити”, “Вест Хэм” ва “Ноттингем Форест” мудҳиш воқеага муносабат билдирди.