"Манчестер Сити" яна бир қиммат трансфер устида ишламоқда

"Айнтрахт" марказий ярим ҳимоячиси Хуго Ларссон "Манчестер Сити"га ўтиши мумкин. Бу ҳақда "GiveMeSport" хабар бермоқда.

Манба маълумотларига кўра, 20 ёшли швед футболчисини қўлга киритиш учун курашда Англиянинг "Манчестер Сити" клуби етакчилик қилмоқда. Немис клуби Ларссон учун тахминан 83,5 миллион евро талаб қилаётгани айтилмоқда. Манба шунингдек, ярим ҳимоячига "Ливерпуль" ва "Арсенал" ҳам қизиқиш билдирмоқда.

Жорий мавсумда Ларссон барча турнирларни ҳисобга олган ҳолда 22 та ўйинда иштирок этиб, тўртта гол урган ва битта голли узатма амалга оширган.

Ларссоннинг "Айнтрахт" билан амалдаги меҳнат шартномаси 2029 йил июн охиригача амал қилади.