"Манчестер Сити" сабаб Роналду жамоаси янги ўйинчи олиши тақиқланди

Халқаро футбол федерацияси (ФИФА) Саудия Арабистонининг “Ан-Наср” клубига янги футболчиларни рўйхатдан ўтказишни тақиқлади. Бу ҳақда ташкилотнинг расмий сайти хабар берди.

Mundo Deportivo нашрининг аниқлашича, ушбу трансфер “Ан-Наср”нинг 2023 йилда марказий ҳимоячи Эмерик Лапорт трансфери учун “Манчестер Сити” олдидаги қарзи сабабли қўйилган бўлиши мумкин.

Таъкидланишича, саудияликлар “шаҳарликлар”га тахминан  9 миллион евро миқдоридаги маблағни тўлаб бермаган. Қарзни қоплаш муддати 31 август куни якунланган эди.

Ўтган кузда Лапорт “Ал-Наср”ни тарк этиб, Испанияга йўл олган ва “Атлетик” (Бильбао) клубига кўчиб ўтди.

Эслатиб ўтамиз, “Ан-Наср” сафида “Олтин тўп”нинг беш карра соҳиби Криштиану Роналду тўп сурмоқда. Португалиялик юлдуз клубнинг трансфер сиёсатида ва машғур футболчиларнинг “Ан-Наср”га олиб келишда муҳим роль ўйнаб келмоқда.