“Манчестер Сити” Кайл Уокерга ўринбосар топди

Англиянинг “Манчестер Сити” клуби Кайл Уокер ўрнига “Ноттингем Форест” футболчиси Ола Айнани олиб келиши мумкин. 
 
Хабарингиз бор, “шахарликлар” ҳозирги кунда инқирозни бошдан кечирмоқда. Шу сабабли, клуб раҳбарлари қишки трансферлар ойнасида янги футболчиларни харид қилишни кўзлаб қўйган. Биринчилардан бўлиб эса ярим ҳимояни кучайтириш ҳақида ўйламоқда. Мазкур позиция учун Мусиала, Вирц, Субименди ва Дани Ольмо энг яхши вариант сифатида кўрилмоқда. 
 
"Тhe Sun" нашрининг хабар беришича, 34 ёшли Уокер ўрнига “Ноттингем”нинг нигериялик ҳимоячиси Айнани ҳам сотиб олишни мақсад қилиб қўйган. Бунга англиялик ҳимоячининг сўнгги ўйинлардаги қониқарсиз натижалари сабаб деб келтирилмоқда. 
 
Эслатиб ўтамиз, 28 ёшли ҳимоячи бу мавсум 19 та ўйинда иштирок этиб, 2 та гол уришга муваффақ бўлди. Унинг клуб билан шартномаси ёзда ўз ниҳоясига етади.