“Манчестер Сити” Абдуқодир Ҳусановдан сўнг яна бир ҳимоячи трансферини ҳал қилди

“Манчестер Сити” Абдуқодир Ҳусановдан сўнг “Палмейрас” футболчиси Витор Рейс трансферини ҳал қилди, деб хабар бермоқда Фабрицио Романо. 
 
Журналистнинг хабарига кўра, икки томонлар келишиб олган. Ушбу трансфер учун манчестерликлар 40 миллион евро тўлашади. Ҳужжатлар масаласи ҳал бўлгандан сўнг Витор шу ҳафта тиббий кўрикдан ўтиб, “шаҳарликлар” билан шартнома имзолаши кутилмоқда. 
 
19 ёшли бразилиялик ҳимоячи ўтган мавсум 38 та учрашувда иштирок этиб, 2 та гол уришга муваффақ бўлган. Унинг Тransfermarkt порталидаги нархи 14 миллион евро деб баҳоланмоқда. 
 
Хабарингиз бор, бир неча кун олдин Хосеп Гвардиола бошчилигидаги жамоа ҳамюртимиз Ҳусанов трансферини ҳам деярли ҳал қилган эди. “Сити” ҳимоячимиз учун Франциянинг “Ланс” клубига бонуслар билан бирга 50 миллион евро атрофидаги сумма бўйича келишиб олинган.