Максим Шацких Аббос Файзуллаевнинг ЦСКАга ўтиши, янги трансферлар ва бошқа мавзуларда фикр билдирди

Ўзбекистон Суперлигаси 14-туридан ўрин олган "Олимпик" - "Пахтакор" учрашувидан сўнг "шерлар" бош мураббийи Максим Шацких матбуот анжуманида қуйидаги фикрларни билдириб ўтди.

"Йигитларни олқишлаб ўтишни хоҳлардим. Улар жисмонан ва тактик тарафдан ўйин охиригача ўзларини кўрсатишди. Биз одатда муаммо яратиб, кейин уни енгиб ўтамиз. Рақибдан кўпроқ вазиятларни юзага келтирдик.

Ҳамралиев ёш ўйинчи, бундай хатолар учраб туради. Совуққонликни сақлаган ҳолда ўйнашни ўрганиб бориши керак.

Трансферлар ойнасида ўзимизга зарур футболчиларни жалб қилдик. Файзуллаев ўрнига ўйинчи топишга улгурмаймиз. Унинг исталган пайт кетиб қолишига мен тайёр эдим. У шундай қарорга келди. Бу Аббоснинг шахсий танлови. У ақлли ва тезкор футболчи, ўз ўрнини топиб кетади.

Янги келиб қўшилганлар рақобат ортишига ёрдам беришади. Бу барча учун фойдали бўлади",-дейди 44 ёшли мутахассис.

"Пахтакор" клуби матбуот хизмати