Магомед Адиев Қозоғистоннинг Дания устидан қозонилган супер ғалабасига изоҳ берди

Қозоғистон терма жамоаси кеча ажойиб камбек эвазига Данияни 3:2 ҳисобида мағлуб этди. Ушбу ғалабадан сўнг қўшниларимиз бош мураббийи Магомед Адиев ўз фикрлари билан ўртоқлашди.

"Албатта, ғалабадан хурсандмиз. Словенияга ўз уйимизда енгилганимиздан сўнг (1:2) мухлислардан қарздор бўлиб қолгандик. Рақиб кучли эди, тўғри. Аммо йигитлар ўзларини тиклай олишди ва чиройли тарзда зафар қучишди.

Мухлислар қўллаб-қувватлаётганини ҳис қилиб турдик. Уларга алоҳида раҳмат. Бизга ишонч билдиргани, охиригача қўллаб-қувватлагани учун ҳам улар мана шундай ғалабага лойиқ эди. 

Тан оламан, биринчи бўлим биз хоҳлагандек ўтмади. Шунга қарамай, иккинчи таймда вазиятни ўзимиз томонга оғдира олдик. Эсдан чиқмайдиган фантастик оқшом бўлди", - деди мутахассис.

{game}4044781{/game}