Магнус Карлсен: "Абдусатторовга имконият берилган вақтда, ҳақиқий шавқатсизга айланади"
- 25-январ 2025, 15:00
- Oybek Yo’ldoshev
- 0
- Шахмат
Магнус Карлсен "Tata Steel Chess Masters" мусобақасида Доммаражу Гукешнинг Абдусатторовга қарши стратегиясини танқид қилиб, буни "ғаройиб муваффақияцизлик" деб атади. "Tata Steel Chess Masters" турнири 6-тури доирасида ўзбекистонлик Нодирбек Абдусатторов ҳиндистонлик Доммаражу Гукеш билан беллашди.
Олти соатдан ортиқ давом этган қизиқарли учрашувда дуранг қайд этилди. Ўйиннинг кўп қисмида Абдусатторов устунлик қилганига қарамай, Гукеш ортга қайтиш ва ярим очкони қўлга киритиш учун ажойиб чидамлилик кўрсатди ва қийин позициялардан омон қолиш бўйича ўзининг ажойиб сериясини давом эттирди.
Норвегиялик гроссмейстер Магнус Карлсен ушбу қарама-қаршилик ҳақида ўз фикрларини билдирди.
"Гукешнинг стратегияси ғаройиб муваффақиятсизликка учради. Абдусатторовга имконият берилган вақтда, ҳақиқий шавқатсизга айланади. У бу вақтда мукаммал ҳаракат қилади ва бундай паллаларга психологик томондан тайёр", - деди 34 ёшли гроссмейстер.
Маълумот учун, Абдусатторов 7-тур доирасида нидерландиялик Аниш Гирига қарши дона суради.