Мадридликлар “сўнган” уч юлдузни ҳайдайди
- 9-апрел 2025, 09:56
- Zohir Toshxo’jayev
- 0
- Футбол
“Атлетико” бош мураббийи Диего Симеоне машҳурлигига қарамай, жамоага етарли даражада манфаат келтира олмаётган юлдузлардан воз кечишга қарор қилди.
Аргентиналик мураббий таркибни тозалаш жараёнида Антуан Гризманн, Хави Галан ва Сесар Аспиликуэтадан воз кечадиган бўлди.
Антуан Гризманн узоқ йиллар давомида жамоа етакчиси бўлиб келган. Бироқ бу мавсум унинг даражаси тушиб кетгани билиниб қолди. Айниқса, муҳим учрашувларда жамоа лидери ҳеч нарса қила олмади. Симеоне жамоаси ўйинига таъсир ўтказа олмай қолган франциялик тўпурар МЛСга кетиши кутиляпти.
Хави Галан илгари ҳам асосий фигура бўлмаган. Симеоне чап қанот ҳимоячисига ўзини кўрсатиш учун имконият берди. Бироқ бу позиция “Атлетико”нинг энг нозиук нуқтаси бўлиб қолмоқда. Галан зўр ўйнамагани етмаганидек, ўта қўпол футболчи ҳисобланади. Ла лигада 17 марта майдонга тушган футболчи саккиз марта сариқ карточко олиб бўлди.
Сесар Аспиликуэтанинг юлдузли даврлари ортда қолганига анча бўлди. Бош мураббий тажрибали ҳимоячининг ўнг қанотдаги ҳаракатларини қониқмади ва ўрнига бошқа ўйинчи олинишини очиқ айтди.