Мадрид суперклуби: Флик шу икки футболчингни бизга бер!
- 3-март 2025, 16:44
- Zohir Toshxo’jayev
- 0
- Футбол
Жорий мавсум чемпионлик учун курашаётган “Атлетико” бош мураббийи Диего Симеоне ёзги трансферлар вақтида таркибни кучайтиришга қарор қилди.
Аргентиналик мутахассис жамоага “Барселона” бош мураббийи Ханс-Дитер Фликка керак бўлмай қолган икки футболчини олиб келмоқчи.
Манбага кўра, мадридликлар Ферран Торрес ва Андреас Кристенсенга иш беришга тайёр.
Каталонияликлар маошлар фондини қисқартириш ва янги ўйинчиларни олиш имкониятини сақлаб қолиш учун бу икки футболчини ёзда жамоадан кетказишни режалаштирмоқда.
“Барселона” билан 2026 йилнинг ярмигача давом этадиган шартномага эга Кристенсен жамоани Флик қабул қилиб олганидан бери таркибдан тушиб қолган.
Симеоне ёзда ҳужумчилардан Антуан Гризманн ва Анхель Корреанинг кетиши мумкинлигини инобатга олиб, жамоасига Ферран Торресни чорлаяпти.