Ляпорт УЕФА Чемпионлар лигаси учун рўйҳатдан ўтказилди

Билбаонинг "Атлетик" клуби Чемпионлар лигаси учун қайдномасини эълон қилди.

Испаниянинг "Атлетик" клуби расмий сайти берган маълумотларга қараганда, узоқ муддатга сафдан чиққан марказий ҳимоячи Бенят Прадос ўрнини Эмерик Ляпорт билан тўлдирди. Прадоснинг чап оёқ хочсимон пойлари узилгани учун жаррохлик столига ётади. Шу сабабдан билбаоликлар Ляпортни "Ан-Наср" клубидан харид қилди ва 2028 йилгача мўлжалланган шартнома имзолади.

Маълумот учун, испаниялик ҳимоячи жорий мавсум Ла Лигада 2 та учрашувда майдонга тушишга улгурди.