Лукаку Роналдуга етиб олди

"Интер" ҳужумчиси Ромелу Лукаку "Лацио"га қарши (3:1) баҳсда дубль муаллифи бўлди. Ушбу баҳсда бельгиялик биринчи таймдаёқ иккита гол урди.

Шу тариқа, Ромелу Италия чемпионати 22-туридан сўнг тўпурарлар жадвалида Криштиану Роналдуга етиб олди. Иккала ҳужумчининг ҳисобида 16 тадан гол бор.

Кейинги ўринларда Златан Ибрагимович ва Чиро Иммобиле 14 та гол билан 3-4 ўринни бўлиб олишган. Кучли бешликни "Аталанта" ҳужумчиси Луис Муриэль якунлаб турибди.