Льорисга гранд клубдан таклиф келиб тушди

"Тоттенхэм" дарвозабони Уго Льорис фаолиятини Париж клуби сафида давом эттириши мумкин.

"Шпорлар" 36 ёшли франциялик футболчини трансферга қўйди. Ҳозирча унга ПСЖ асосий даъвогар ҳисобланади. Айни вақтда парижликлар Доннаруммага ўинбосар қидирмоқда.

Журналист Лоик Тансининг ёзишича, ПСЖ клуби маслаҳатчиси Луиш Кампуш Франция терма жамоаси собиқ дарвозабони ва унинг аторофдагилар билан алоқани давом эттиряпти, бироқ парижликлар дарвозабонга асосий таркибга киришини кафолат бера олмайди. Агар трансфер ўхшамаса, ПСЖ ёшроқ футболчини қидиришга киришади.

Маълумот ўрнида, Уго Льорис "Тоттенхэм" сафида 447 та ўйинда майдонга тушиб, 508 та гол ўтказиб юборган. У Лондон клубида 2012 йилдан бери ўйнаб келмоқда.