"Ливерпуль" клуби Диогу Жотанинг 2 йил ичида ишлаб топадиган 8 миллион фунт стерлинг миқдоридаги маблағни тўлаб беришини маълум қилди.
Мерсисайдликлар ҳужумчиси ва унинг укаси Андре Силва Испаниядаги йўл транспорт ҳодисаси оқибатида ҳалок бўлганди. 28 ёшли Жотанинг клуб билан яна 2 йиллик шартномаси бор эди. "Record" нашри берган хабарларга кўра, "Ливерпуль" қолган барча маблағларни тўлаб беришга қарор қилган. Пайшанба куни "қизиллар" ўтган мавсумда жамоанинг АПЛ да ғолиб бўлишига катта хисса қўшгани учун Жотага тегишли бўлган 20 рақамини абадийлаштиришини маълум қилган эди. Сўнги чемпионлик клуб тарихидаги Англиядаги 20 чемпионлик бўлди.
Марҳум, португалиялик ҳужумчи якунланган мавсумда барча мусобақаларда умумий 37 ўйинда майдонга тушиб, 9 та гол урди ва 4 ассистни ўз ҳисобига ёздириб қўйган эди.