"Ливерпуль" яна бир катта трансферни эълон қилди

Венгриялик ҳимоячи Милош Керкес "Борнмут"дан "Ливерпуль"га ўтди. Бу ҳақда мерсисайдликлар матбуот хизмати маълум қилди.

"Чап қанот ҳимоячиси тиббий кўрикдан ўтди ва АХА машғулот марказида Премьер-лига чемпионлари билан узоқ муддатли шартнома имзолади," - дейилади клуб баёнотида.

Аввалроқ, футболчининг трансфер суммаси 40 миллион фунт бўлиши хабар қилинганди. 

Керкес "қизиллар"нинг ушбу трансферлар ойнасидаги 3-хариди бўлди. Бундан олдин клуб Жерами Фримпонг ва Флориан Вирцни трансферини эълон қилган эди.