"Ливерпуль" Рожерс кетганидан буён илк бор АПЛда бундай натижа қайд этди

“Ливерпуль” бугун АПЛнинг 24-турида сафарда “Лестер”га 3:1 ҳисобида имкониятни бой берди.

Шу тариқа Юрген Клопп бошчилигидаги жамоа премьер-лигада кетма-кет 3 та ўйинда мағлуб бўлди. Бундан аввал улар «Ман Сити» (1:4) ва «Брайтон»га (0:1) ҳам мағлуб бўлган эди.

Айтиш лозимки, “Ливерпуль” 2014 йилнинг ноябридан буён АПЛда илк бор кетма-кет 3 та ўйинда ютқазди. Қизиғи, ўшанда мерсисайдликларни “Лестер”нинг ҳозирги устози Брендан Рожерс бошқарарди.