"Ливерпуль" ҳужумчиси ёзда клубдан кетади

Дарвин Нуньес ёзда "Ливерпуль"ни тарк этади. Бу ҳақда журналист Фабрицио Романо маълум қилди.

Манбанинг хабар беришича, уругвайлик ҳужумчи мавсум якунида "мерсисайд" клубидан кетади. Бу қарорни "Ливерпуль" ва футболчининг вакиллари маъқулламоқда.

Таъкидланишича, Нуньес январь ойида Саудия Арабистонининг "Ан-Наср" клубига ўтишга жуда яқин бўлган, бироқ, клуб уни мавсум ўртасида сотишдан воз кечган.

Маълумот учун, Дарвин 2022 йилда "Бенфика"дан "Ливерпуль" сафига 75+25 миллион евро эвазига ўтган эди. У жорий мавсумда Англия Премьер-лигасида 25 та ўйинда иштирок этиб, 5 та гол урди.