"Ливерпуль" ҳимоячиси тақдирга тан берган кўринади

"Ливерпул"нинг ўнг қанот ҳимоячиси Трент Александр-Арнольд жамоанинг чемпионлик учун курашиш имкониятлари ҳақида гапирди.

Кеча "Лестер"ни мағлуб этган (2:1) "Ливерпуль" Англия премьер-лигаси турнир жадвалида олтинчи ўринда қолди. Жамоа айни дам "Арсенал"дан 12 очко, "Манчестер Сити"дан эса 7 очкога ортда қолмоқда.

"Ҳозирги пайт барчамиз реалистик бўлишга ҳаракат қиляпмиз, лекин бизнинг мақсадимиз ҳар доим чемпионликни қўлга киритиш ёки ҳеч бўлмаганда чемпионлик пойгасида қатнашиш бўлиши тайин. Ўтган мавсумда бўлгани каби, бу сафар ҳам "Манчестер Сити"ни охиригача қувамиз.

Ҳозир биз "Арсенал"дан жуда ортдамиз, шунинг учун фақат мўъжизага умид қилишимиз мумкин", деди ҳимоячи.