“Ливерпуль” Арне Слот ўрнига “афсона”ни олиб келади
- 7-декабр 2025, 10:22
- Zohir Toshxo’jayev
- 0
- Футбол
Англия Премьер-лигасининг навбатдаги турида амалдаги чемпион “Ливерпуль” футболчилари “Лидс” билан учрашувда ғалабани ушлаб қола олмади.
Сўнгги дақиқаларда рақиб гол уриб, учрашув 3:3 ҳисобида якунланди. Бу натижа Арне Слотнинг келажагига соя солмоқда. Қолаверса, яна захирада қолдирилган Муҳаммад Салоҳ Арне Слот билан муносабати бузилганини айтди.
Келиб чиққан вазият туфайли клуб тез орада бош мураббийни истеъфога чиқариши мумкин. Агар бу иш амалга ошса, раҳбарият жамоасини клуб афсонаси Стивен Жеррардга топширишни мўлжаллаяпти.
Жеррард шу йилнинг январь ойида Саудия Арабистонининг “Ал-Иттифоқ” жамоаси бош мураббийлигидан кетганидан бери ишсиз юрибди.
Бош мураббийликка иккинчи номзод сифатида яқингача “Аякс”ни бошқариб келган Жон Хейтинга танланган. Бундан келиб чиқиб, “Ливерпуль”да жиддий ўзгаришлар бўладиган кўринади.