Ли Кан Ин: Ҳаммамиз ғайратли ва ғалабага очмиз

Осиё кубоги гуруҳ босқичи 1-туридан ўрин олган баҳсда Жанубий Корея терма жамоаси Баҳрайн устидан 3:1 ҳисобида ғалаба қозонди. Учрашувдан кейин кореяликларнинг икки голига муаллифлик қилган Ли Кан Ин ўз фикрлари билан ўртоқлашди.

"Кийим алмаштириш хонасидагилар, уйдагилар, барча халқ ушбу совринни кутмоқда. 64 йилдан буён ушбу мусобақада чемпион бўлолмаяпмиз, шу сабабли айни дамда ҳаммамиз ғайратли ва ғалабага очмиз.

Ушбу ғалаба барчамизники, аммо ҳали чемпионлик ҳақида гапиришга жуда эрта. Кейинги беллашувга тайёргарлик кўриш учун бизда 5 кун бор. Шунинг учун, машғулотларда боримизни берамиз ва кейинги баҳсга бор эътиборимизни қаратамиз.

Гап фақат менинг иккита голим ҳақида эмас, биз киритган барча голлар жамоа учун жуда муҳим. Шуни айтмоқчиманки, футбол жамоавий спорт тури. Шерикларимнинг ёрдами эвазига голлар урдим"- деди футболчи.