Левандовски учун катта сумма ажратилади
- 13-декабр 2025, 07:26
- Zohir Toshxo’jayev
- 0
- Футбол
“Барселона”нинг 37 ёшли ҳужумчиси Роберт Левандовскининг Каталониядаги келажаги мавҳумлигича қолмоқда. Польшалик форварднинг амалдаги шартномаси шу мавсум охирида тугайди.
Тўпурар атрофидаги вазиятни кузатиб келаётган Саудия Арабистони Сувенер фонди раҳбарияти тажрибали чарм тўп устаси трансферини амалга оширишни мақсад қилган.
Бу жамғарма Саудия Арабистони Профессионал лигасида иштирок этаётган энг қудрали тўрт жамоа – “Ан-Наср”, “Ал-Ҳилол”, “Ал-Иттиҳод” ва “Ал-Аҳли”га эгалик қилади.
Mundo Deportivo нашрининг маълум қилишича, шайхлар Роберт Левандовскини келаси ёзда трансфер қилмоқчи ва футболчининг ўзига катта даромадли шартнома таклиф қилинади.
Роберт Левандовски жорий мавсумда каталонияликлар сафида барча турнирларда 16 та учрашувда иштирок этиб, ўз ҳисобига саккизта гол ва битта ассист ёздириб қўйди.