Левандовски суперклубга ўтади
- 19-ноябр 2025, 11:34
- Zohir Toshxo’jayev
- 0
- Футбол
Италиянинг энг қудратли клубларидан “Милан” ҳужум чизиғини кучайтириш мақсадида “Барселона”нинг 37 ёшли ҳужумчиси Роберт Левандовскини асосий трансфер нишони сифатида белгилади.
Sport.es сайтининг маълумотига кўра, Италия клуби польшалик ҳужумчи билан ёзда амалга ошириладиган трансферни январь ойидаёқ келишиб олмоқчи.
Левандовскининг каталонияликлар билан амалдаги шартномаси 30 июнь куни якунланади. “Барселона” ёши ўтиб қолган ҳужумчига янги битим бермайди. Шу боис, Левандовски январь ойида бошқа клублар билан музокара бошлаши ва дастлабки шартномани имзолаши мумкин.
Таъкидланишича, “Милан” спорт бўлими мутасаддилари аллақачон Левандовскининг атрофидагилар билан алоқа ўрнатган.
Левандовски жорий мавсумда барча турнирларда 12 та ўйинда қатнашиб, еттита гол урди. Transfermarkt портали тажрибали ҳужумчини 10 миллион еврога баҳоламоқда.