Лэмпард даврида "Челси"да бельгиялик футболчи қолмайди

"Челси" ёзги трансфер ойнаси вақтида ҳужумчи Миша Батшуайи учун билдириладиган таклифларни кўриб чиқишга тайёр.

Sunday Express нашри хабарига кўра, лондонликлар амалдаги шартномаси 2021 йил ёзида якунланадиган бельгиялик тўпурар билан 44 миллион евро эвазига хайрлашишга рози бўлади.

2019/20 йилги мавсумда Батшуайи "Челси" сафида 24 ўйинда майдонга тушди, унинг ҳисобида 6 та гол ва 2 та ассист бор. Transfermarkt.com портали бельгиялик футболчининг нархини 17,5 миллион еврога баҳоламоқда.