Легионеримиз финалда гол урди. "Чоннам Драгонс" Жанубий Корея кубоги соҳибига айланди

Корея кубоги финал босқичидан ўрин олган жавоб учрашуви бўлиб ўтди. Унда К2 Лига жамоаси "Чоннам Драгонс" К1 Лигаси вакили "Тегу"дан 4:3 ҳисобида устун келди.  

Биласиз, "Чоннам" сафида легионеримиз Олег Зотеев тўп тепади. Ҳамюртимиз финал баҳсида жамоасининг 3-голига муаллифлик қилди. Дастлабки беллашувда "Тегу" 1:0 ҳисобида ғалаба қозонган эди.