Лазизбек Мирзаев Испаниядаги илк голини урди!

Ўзбекистонлик ёш ва умидли футболчи Лазизбек Мирзаев "Леганес B" таркибида ўзининг дебют голини киритишга муваффақ бўлди.

Унинг жамоаси "Депортиво Толедо"га қарши ўртоқлик учрашувида 4:2 ҳисобида ғалаба қозонди. Ушбу баҳсда Сулеймон Ҳаддади дубль қайд этган бўлса, Мирзаев ва Хорхе Эрреро ўз ҳисобларига биттадан гол ёздириб қўйди.

Маълумот учун, 19 ёшли Лазизбек 2025 йилнинг январь ойида "Локомотив"дан "Леганес" клубига ўтган эди.