Лапорта ёш юлдузга “Барса” сардорлигини ваъда қилди
- 25-декабр 2025, 07:35
- Zohir Toshxo’jayev
- 0
- Футбол
Испаниянинг амалдаги чемпиони “Барселона” клуби президенти Жоан Лапорта жамоанинг иқтидорли ярим ҳимоячиси Марк Бернални ёрқин келажак кутаётганига ишонмоқда.
18 ёшли футболчи бир йилдан ортиқ давом этган тизза бўғимидаги оғир жароҳатидан тикланиб, мавсум бошида яна сафга қўшилди.
Испания чемпионатининг 14-турида Марк Берналь 15 ойлик танаффусдан кейин илк бор асосий таркибда майдонга тушганди ва шундан сўнг лигада еттита ўйин ўтказди.
Сентябрь ойи охирида Берналь “кўк-анорранглилар” билан шартномасини 2029 йилнинг 30 июнигача узайтирган эди.
Sport нашрининг хабар беришича, шартнома имзолангандан сўнг Лапорта футболчи бораси катта режалар борлишини маълум қилди.
- Агар ҳаммаси биз хоҳлагандек ривожланса, бир кун келиб, сен албатта “Барселона” сардори бўласан, - деди Лапорта ёш ўйинчига.