Ламин Ямаль қайси клуб билан шартнома тузиши маълум бўлди
- 17-декабр 2024, 09:01
- Zohir Toshxo’jayev
- 0
- Футбол
“Барселона”нинг 17 ёшли футболчиси Ламин Ямаль манфаатларини ҳимоя қилаётган футбол агенти Жорже Мендеш мижозининг келажакдаги режалари билан ўртоқлашди.
- Ламин албатта “Барселона” билан ҳамкорликни узайтиради. Ямаль “Барселона”га содиқ ва Каталония клуби билан янги шартнома имзолайди, - деди Жорже Мендеш.
Истеъдодли ҳужумкор футболчининг амалдаги келишуви 2026 йилнинг 30 июнигача давом этиши белгиланган.
“Барселона” келажаги порлоқ ўйинчига 2030 йилнинг ярмигача давом этадиган янги битим беради. Бу шартнома Ямаль 18 кирганида имзоланиши кутилмоқда.
Ламин Ямаль жорий мавсумда “Барселона” сафида барча турнирларда 21 маротаба майдонга тушиб, олтита гол ва 12 та ассист муаллифи бўлди. Transfermarkt портали экспертлари “барселона” тарбияланувчисини 150 миллион еврога баҳоламоқда.