Ла Лига. "Реал" кетма-кет учинчи марта дуранг ўйнади. "Барса" эса пешқадамликни қўлга олди

Испания Ла Лигасининг 14-турида Хаби Алонсо бошчилигидаги "Реал Мадрид" сафарда Каталониянинг "Жирона" клуби билан баҳс олиб бориб, 1:1 ҳисобидаги дурангга имзо чекди. 
 
Дастлаб, тўқнашувнинг 45-дақиқасида Аззедин Унахи ҳисобни очди. Иккинчи бўлимнинг 67-дақиқасида эса Килиан Мбаппе 11 метрлик жарима зарбасидан унумли фойдаланиб, ҳисобни тенглаштиришга муваффақ бўлди. 
 
Эслатиб ўтамиз, ушбу беллашувдан сўнг "қироллик клуби" очколар сонини 33 тага етказиб, 2-ўринда қолди. "Барселона" эса 33 очко билан пешқадамликни сақлаб қолди.