Ла Лига. "Барселона" "Реал Овьедо"ни йирик ҳисобда мағлуб этиб, турнир жадвалида пешқадамга айланди

Ла Лиганинг 21-туридан ўрин олган "Барселона" — "Реал Овьедо" учрашувида каталонияликлар 3:0 ҳисобида ишончли ғалабага эришди.

Дастлаб, учрашувнинг 52-дақиқасида Дани Ольмо ҳисобни очган бўлса, 57-дақиқада Рафинья ўртадаги фарқни иккитага оширди. 73-дақиқада эса Ламин Ямал ажойиб гол муаллифига айланиб, баҳсга якуний нуқтани қўйди.

Шу тариқа, Ханси Флик шогирдлари очколари сонини 52 тага етказиб, турнир жадвалида 1-ўринни эгаллаб турибди. "Барселона"нинг энг яқин таъқибчиси бўлган "Реал Мадрид" эса 1 очко кам жамғарган ҳолда 2-ўринда бормоқда.