Ла Лига. "Барселона" "Камп Ноу"га қайтганидан сўнг йирик ҳисобда ғалаба қозонди

Испания Ла Лигасининг 13-турида Ханс-Дитер Флик бошчилигидаги "Барселона" "Камп Ноу" стадионида "Атлетик Бильбао" билан куч синашиб, 4:0 ҳисобида зафар қучди. 
 
Дастлаб, учрашувнинг 4-дақиқасидаёқ Роберт Левандовски ҳисобни очишга муваффақ бўлди. Биринчи бўлимга қўшиб берилган дақиқаларнинг учинчиси ўтиб бораётганда Ферран Торрес фарқни 2 тага етказди. 48-дақиқада Фермин Лопес ҳам ўз ҳисобига гол ёздириб қўйиб, ҳисобни йириклаштирди. 90-дақиқада эса Торрес дублни расмийлаштирди.