КХДР терма жамоаси бош мураббийи: "Ўзбекистон МТЖнинг Осиё кубогидаги ўйинларини ўрганиб чиқдик"

Хабарингиз бор, эртага Ўзбекистон терма жамоаси "ЖЧ-2026" саралаши доирасида КХДРни қабул қилади. Мазкур учрашув олдидан бугун меҳмонлар бош мураббийи Сим Ён Нам ва футболчи Жан Кван Сон матбуот анжуманида қатнашди ва журналистларнинг саволларига жавоб берди. 

"Биз бу босқичгача етиб келгунга қадар анча тайёргаллик кўрдик. Баъзи бир ўртоқлик ўйинларини ҳам ўтказдик. Ўйлайманки, бу босқич иккала терма учун ҳам жуда муҳим. Ҳар бир очко қиммат эканини ҳамма билиб турибди. Эртанги учрашувда ҳаракатларимиз натижасини кўрамиз.

"ЖЧ-2026" саралаши қуръаси ҳақида

Қуръа ҳақида гапирадиган бўлсам, умуман эътирозим йўқ. Ушбу гуруҳда ҳам анча кучли терма жамоалар йиғилган. Барча ўйнларда энг зўр ўйинимизни кўрсатишга ҳаракат қиламиз. 

Ўзбекистон терма жамоаси ҳақида

Табиийки, рақибимизни ўрганганиб чиқдик. Ўзбекистон терма жамоасининг Қатардаги Осиё ўйинларидаги иштироки ва унадаги учрашувларни анализ қилдик. Ушбу мусобақа орқали футболчилар ва мураббий ҳақида етарлича ўрганиб чиқдик. 

Икки терма жамоани солиштируви ҳақида

Ўша 2010 йилдаги терма жамоамиз билан ҳозиргисини таққослаш ноўрин деб ҳисоблайман. Биз ҳозирга жамоага кўпроқ эътибор беримишиз керак деб ҳисоблайман. Фокусимизни эртанги ўйинга қаратганмиз. 

Уй ўйинлари Лаосда ўтиши ҳақида

10 сентябрда бўлиб ўтадиган баҳсни Лаосда ўтказамиз. Ноябрь, март ва кейинги ўйинларни қаерда ўтказишимиз аниқ бўлиб улгурмади. Ўзимизда бор масаллиқдан яхши маҳсулот тайёрлашимиз керак. Уй ўйинларини нейтрал майдонда ўтказиш бизга қўшимча устунлик бермайди", - деди КХДР терма жамоаси устози.

"Шу кунгача биз Ўзбекистон терма жамоасининг бир қанча ўйинларини кўриб чиқдик ва таҳлил қилдик. Менимча, бу босқичга анча етарлича тайёргарлик кўриб келдик. Ҳозирда бизнинг олдимизда битта вазифа ва бу ҳам бўлса эртанги беллашувда боримизни бериб, нимага қодирлигимизни исботлашимиз керак. 

Мамлакатимизда ёмғир ёғганда сунъий майдонда машғулот ўтказганмиз. Бу ерда маълум бир сабабларга кўра, мана шундай сунъий майдонда шуғулланишга тўғри келди", - деди Жан Кван Сон