Куртуа машғулотларга қайтди

"Реал" дарвозабони Тибо Куртуа якка тартибда машғулотларга киришди. Бу ҳақда футболчи ўзининг Твиттердаги саҳифасида алоҳида пост қолдирди.

"Бутсаларни кийиб, майсалар устида қадам босганингда ҳис қиладиган энергияни сўз билан тасвирлаш мушкул", - деб ёзган бельгиялик посбон.

Эслатиб ўтамиз, Куртуа ўтган йил август ойида жароҳат олиб, узоқ муддатга сафдан чиққан эди. Унинг майдонга қайтиш вақти апрел-май ойларига тўғри келиши айтилмоқда.