Кучли бешлик чемпионатларида энг кўп голли вазият яратаётган футболчи аниқланди

"Милан" ярим ҳимоячиси Хакан Чалханоглу Италия чемпионати 14-турида "Лацио" дарвозасига пенальтидан гол уриб, иккита голли узатма муаллифи бўлди.

А Сериянинг ортда қолган турлари мобайнида туркиялик футболчи 53 та голли вазият яратди ва Европа "топ-5" чемпионатларидаги энг яхши кўрсаткични қайд этди.

Иккинчи ўринни "Астон Вилла" хавбеки Жек Грилиш (43) эгаллади.

Учинчи ва тўртинчи поғонани  "Манчестер Юнайтед" футболчиси Бруно Фернандеш (41) ва "Лион" хавбеки Мемфис Депай (41) эгаллади. Кучли бешликни "Манчестер Сити" ярим ҳимоячиси Кевин де Брюйне (40) банд этди.