Кубарси: "Ҳали ҳеч нарса ҳал қилинмади, тер Штеген — бизнинг сардоримиз"

"Барселона" ҳимоячиси Пау Кубарси жамоа дарвозабони Марк-Андре тер Штегеннинг капитанлик мавқеига муносабат билдирди.

"Мен ёшлар жамоасида сардорлик қилганман. Лидер бўлиш учун мулоқот кўникмалар устида ишлаш керак.

Ҳозирча ҳеч қандай қарор қабул қилингани йўқ. Марк ҳали ҳам жамоада. У — бизнинг сардоримиз, етакчимиз ва асосий таянчимиз. У биз билан, биз ундан мамнунмиз", — деди Кубарси "TV3" телеканалига берган интервьюсида.

Аввалроқ тер Штегеннинг умуртқасига операция ҳақида клуб билан келишмасдан баёнот бергани раҳбарият ва мураббийлар штабида норозилик уйғотгани, натижада уни капитанликдан маҳрум қилиш режаси муҳокама қилингани хабар қилинган эди.