Коутиньога Туркия клуби қизиқмоқда

"Астон Вилла" футболчиси Филиппе Коутиньо фаолиятини Туркияда давом эттириши мумкин, дея хабар бермоқда "Milliyet.com.tr" нашри. "Бешиктош" бразилиялик ярим ҳимоячини сотиб олиш шарти билан ижарага олмоқчи. Клуб трансферга 8 миллион евро сарфлаши мумкин.

Коутиньо бирмингемликларга Унаи Эмери бош мураббий бўлганидан кейин майдондаги дақиқалари камайди. Шунингдек, жароҳат туфайли ҳам у кўплаб ўйинларда қатнаша олмади. 

Миш-мишларга кўра, Коутиньога Бразилиядан таклифлар бор. Аммо футболчи ҳали ўз мамлакатига қайтишни режа қилмаган.