Кўпчиликни қизиқтирган савол: Элдор Шомуродов Қатарга келадими?

Айни пайтда Қатарда Осиё кубоги бўлиб ўтмоқда. Иккинчи тур баҳслари бошланди.

Хабарингиз бор, Ўзбекистон миллий терма жамоаси сардори Элдор Шомуродов жароҳат олганди ва шу сабаб жарроҳлик амалиётини ўтаганди. Ҳозирги кунда терма жамоамиз етакчиси тикланиш амалиётини олиб бормоқда.

Охирги пайтларда Шомуродов Қатарга келиши ва миллий терма жамоа футболчилари билан ёнма-ён туриши ҳақида гап-сўзлар учрамоқда. Аммо SPORTS.uz сайтига маълум бўлишича, Элдор Қатарга келмайди. Клуб бунга руҳсат бермаган. У тикланиш жараёнини клуб ихтиёрида олиб боради. Шунингдек, Элдор Шомуродов январь ойи охиригача машғулотларга қайтади.

Эслатиб ўтамиз, Илк турда Сурия билан 0:0 ҳисобида дуранг ўйнаган Ўзбекистон миллий терма жамоаси иккинчи беллашувни 18 январь куни Ҳиндистонга қарши ўтказади. Учрашув Тошкент вақти билан 19:30да бошланади.