Конор Макгрегор: "Агар мен Ирландия президенти бўлсам..."

UFC собиқ чемпиони Конор Макгрегор Ирландия президенти бўлса, нима қилмоқчи эканини айтди.

"Биз уйсизлар сонини камайтиришимиз, уй-жой қуришимиз, ноқонуний миграция оқимини секинлаштиришимиз, харажатларни назорат қилишимиз керак. Мамлакатимиз нотўғри бошқарилган, бу ҳаммага аён. Сиёсат оламига кириб келишим жуда кўп нарсани ўзгартиради. Мен ўз ватаним учун курашишда давом этаман" - деди Макгрегор ўзининг You Tube каналида.

Эслатиб ўтамиз, Ирландияда президентлик сайловлари шу йилнинг ноябрь ойида бўлиб ўтади. Ҳозирда мамлакат президенти лавозимини 83 ёшли Майкл Хиггинс эгаллаб турибди.