Клопп Тьягонинг қачон майдонга қайтиши ҳақидаги саволга жавоб берди

“Ливерпуль” клуби бош мураббийи Юрген Клопп икки ойдан буён майдонга тушмаётган испаниялик ярим ҳимоячи Тьягонинг қачон сафга қайтишини айтди.

“Тьягонинг майдонга қайтишига шошилмаслик керак. У ҳали умумий гуруҳда шуғулланмаяпти, аммо у бунга яқин.

Тьяго келаси ҳафтадан машғулотларга қўшилиши мумкинми? Бунинг учун у бир нечта текширувлардан ўтиши лозим”, - деди Клопп.

Германиялик мутахассис янги ҳафтада Жердан Шакири ва Жеймс Милнернинг ҳам сафга қайтишига умид қилаётганини ҳам айтиб ўтди.