Клопп ўзининг ўрнини ким эгаллашини айтди

“Ливерпуль” бош мураббийи Юрген Клопп вақти келиб унинг лавозимини клуб афсонаси Стивен Жеррард эгаллашига амин эканини айтди.

Англиялик мутахассис мураббий соҳасига энди қадам қўйган бўлса-да, Клопп унинг орзуси амалга ошиб, ўзи ўйнаган клубни бошқаришига ишонмоқда.

- Бунинг учун қулай вақт келиши керак. Ягона муаммо шу. Фрэнк  Лэмпард “Челси”ни бошқаргани бунга мисол бўла олади. Жеррарднинг ишлари яхши кетяпти. У мураббийлик учун жуда ёш. Стивен “Ливерпуль”ни қабул қилиб оладиган даражага етгунича кутиши керак.

Мен бу албатта амалга ошишига ишонман. У тўғри йўлдан кетмоқда. Бу ҳамма учун яхши бўлади, - деди Юрген Клопп.