Ким муносиб? Энг яхши мураббий бўлиш учун якуний уч номзод номи эълон қилинди

Якунланиб бораётган 2023 йилги футбол мавсумининг энг яхшилари аниқланмоқда. 

"Ўзбекистоннинг энг яхши мураббийи" бўлиш учун номзодларнинг якуний учлиги эълон қилинди. Ушбу рўйхатдан Рўзиқул Бердиев ("Насаф"), Равшан Ҳайдаров ("Ўзбекистон U20") ҳамда Жамолиддин Раҳматуллаев (Ўзбекистон U17) каби мураббийлар жой олган. 

Қайд этиш лозим, Рўзиқул Бердиев "аждарлар" билан Ўзбекистон кубогида зафар қучди, шунингдек, Осиё Чемпионлар лигасида қаршиликлар ўз гуруҳида биринчи ўринни эгаллади. Равшан Ҳайдаров бошчилигидаги термамиз (U20) эса жаҳон чемпионатида нимчорак финал, Жамолиддин Раҳматуллаев бошчилигидаги ўсмирларимиз эса (U17) мундиалда чорак финал йўлланмасини қўлга киритган.