Катанец: "Натижа бизни қониқтирди"

Ўзбекистон терма жамоаси Жаҳон чемпионатининг 2-босқич саралашидан ўрин олган ўйинларни Эронга қарши сафар баҳси билан якунлади. Сўнгги турда вакилларимиз дуранг ўйнаб, уйга бир очко билан қайтадиган бўлди. Мазкур беллашувдан кейин Сречко Катанец ўз матбуот анжуманида иштирок этди. 

"Эронга қарши ўйинда ҳимоявий ўйнадик ва рақибга гол уриш учун кўп имконият бермадик. Ўйин натижасидан қониқиш ҳосил қилдик. Ҳеч бир футболчи жароҳат олмаганидан хурсандмиз ва ўйин адолатли якунланди".

Ўзбекистон терма жамоаси 10 йилдан сўнг Эрондан очко олишга муваффақ бўлгани, Эрон терма жамоаси эса 19 ўйиндан кейин гол ура олмагани ҳақида шундай деди: Бу статистик маълумотлар. Аммо биз бу ўйинда Эронни чеклаб, пенетрацион йўлларни ёпдик. Майдон марказида уларни яхши кутиб олиб, Азмун ва Таремиларга тўп етиб бормаслигини таъминладик". "Улар мен сўраган тактикани аъло даражада бажаришди ва ҳимояда яхши ўйнашди". Уларнинг ҳар бир роли муҳим эди ва биз дурангдан мамнунмиз", - деди Катанец.