Катанец: "Алиқулов бизни ҳайрон қолдирди"

Ўзбекистон ЖЧ саралаши доирасида Туркманистонни ўз майдонида қабул қилиб, 3:1 ҳисобида ғалаба қозонди. Ўйиндан сўен Сречко Катанец ўз фикрлари билан ўртоқлашди. 

- Биринчи бўлимда кўплаб имкониятлар бўлди, лекин улардан фойдалан олмадик. Аммо иккинчи таймда футболчиларимиз ўз даражаларини кўрсатишди ва керакли натижани қўлга киритдик. Барча терма жамоалар бизни ҳурмат қилишади. Умид қиламанки кейинги босқичда ҳам ўйинчиларимиз шундай даражани кўрсатиб беришади. 

- Биринчи бўлимдан сўнг футболчиларга нималар дедингиз? Остон Ўрунов қулай вазиятда турган Шомуродовга пас бермади. Сиз унга нимадир дедингизми?

- Остонга келадиган бўлсак, унга ҳеч нима демадим. Топ футболчиларда ҳам бундай ҳолатга дуч келади. Иккинчи бўлимда битта футболчини марказга қўшдик ва бу ўз натижасини берди. Улар ҳар доим 4 та ҳимоячи билан ўйнарди, бугун эса 5 та ҳимоячи майдонда ҳаракат қилди. Ҳар бир учрашувдан сўнг битта нарсани ўзимиз учун кашф қиламиз. Бугун Алиқуловни ўнг қанотга қўйгандик, у эса бизни лол қолдирди. 

- Дарвозабон муаммоси ҳали ҳам бор. Неьматовга ҳам балки имконият бериш керакдир?

- Бизда дарвозабонлар мураббийлари бор ва мен бу борада уларга қулоқ соламан. Ҳужумчилар ҳам хато қилиши мумкин, лекин биз уларни тезда кечириб юборамиз.