Касильяс яна Ла Лигага қайтиш истагини билдирмоқда
- 19-март 2019, 08:15
- Baxtiyorjon Toshtemirov
- 4
- Футбол
"Порту" клуби дарвозабони Икер Касильяс Испания чемпионати юлдузлари иштирок этадиган оқшомда қатнашди ва яна Ла Лигага қайтиш истаги борлигини билдирди.
“Агар исмингиз ушбу лига билан бевосита боғлиқ бўлса, бу сизга катта масъулият юқлайди. Чунки, Ла Лига бу – жиддий бренд. Мени бу ерга таклиф қилгани учун Хавьер Тебасга ўз миннатдорчилигимни билдираман.
Примерода ўйнаш бахтига сазовор бўлганимдан жудаям хурсандман. Ҳозир мен бошқа жамоада ва бошқа чемпионатда тўп суряпман. Бу эса мени бироз хафа қилади. Мен яна Ла Лигага қайтишни хоҳлардим”, - дейди Касильяс.
Маълумот учун, Икер Касильяс 8 ёшидан буён “Реал”да шуғулланган ва 2015 йилга қадар ушбу жамоа шарафини ҳимоя қилган. У Ла Лига тарихида энг кўп ўйин ўтказган футболчилардан бири ҳисобланади.