Карлос Сайнс: "Мен "Уильямс" билан чемпион бўла оламан"
- 2-сентябр 2025, 21:40
- Ali Ahmadxo’jayev
- 0
- Авто/Мото
Испаниялик пойгачи Карлос Сайнс "Уильямс" жамоаси билан Формула-1 Жаҳон чемпионлигини қўлга киритиш имкониятига ишонишини айтди. Сайнснинг таъкидлашича, бошқа жамоалардаги тажриба унга рақобатбардош болидни яратишга ёрдам беради.
"Ҳа, мен шундай деб ўйлайман. Агар мен "Феррари" ва бошқа жамоалардаги тажрибамдан хулоса қилган бўлсам, атрофимга тўғри одамларни тўплаб, жамоа билан биргаликда рақобатбардош болидни ривожлантира оламан. Бу менга ишонч бағишлайди - мен катта ташкилотни тўғри йўналишга қандай йўналтиришни, машина қандай хусусиятларга эга бўлиши кераклигини, жамоа тузилиши қандай бўлиши кераклигини тушунаман. Ва мен буларнинг барчасида "Уильямс"га ёрдам бермоқчиман", - дея Сайнснинг сўзларини келтиради ESPN.
Эслатиб ўтамиз, 2024 йилда "Уильямс" Конструкторлар Кубоги"да 17 очко билан 9-ўринни эгаллаган эди. Жорий йилда эса, жамоа 5-ўрин учун "Рейсинг Буллз", "Астон Мартин" ва "Кик Заубер" билан кураш олиб бормоқда.