Камолиддин Тожиев: "Шацкихнинг ҳолати ҳақида нимадир дея олмайман"

Суперлиганинг 20-туридан ўрин олган "Пахтакор" 6:0 "Олимпик" учрашувидан кейинги матбуот анжуманининг 2-қисмида "шерлар" мураббийи Камолиддин Тожиев қатнашди.

-Бугун йигитлар ўз олдиларига қўйилган вазифани аъло даражада уддалади. 90 дақиқа давомида ўйинни тўлиқ назорат қилдик. Баҳс бошида майдоннинг ҳолати сабабли мослашиш бироз қийин кечди. Бироз ўтиб эса, барчаси жойига тушди. Бугун барча яхши савияда футбол намойиш этди. Бунинг учун уларга раҳмат.

-Максим Шацких борасида нима дея оласиз. Ўйин олдидан унинг соғлиғида муаммо бор деб айтилди.
-Ҳа унинг соғлиғида бироз муаммо бор. Шу сабаб айни пайтда у даволанмоқда.

-Жамоа кейинги ўйинини Элит чемпионлар лигаси доирасида сафарда "Персеполис"га қарши ўтказади. Мазкур ўйинга жамоани ким тайёрлаб боради. Сизми ёки Максим Шатцкихнинг ўзи? 

-Ҳозирча нимадир дея олмайман. Сафар олдидан мураббийнинг ҳолатига қаралади. Яна ҳам аниқ маълумот шифокорларнинг якуний хулосасидан кейин маълум бўлади.