Камолиддин Тожиев: "Бундай йирик ҳисоб бўлишини кутмагандик"

“Андижон” - “Пахтакор” (2:6) учрашувидан кейинги матбуот анжуманида дастлаб меҳмонлар бош мураббийи Камолиддин Тожиев қатнашди. 

- Кўрдинглар, ўйин тўлиқ устунлигимизда ўтди ва ғалабага эришдик. Футболчиларга раҳмат. Ҳар ўйинда майдонга тушиб охиригача курашишяпти. 10 футболчи бўлиб қолсак ҳам голлар урдик.

- Учрашувда йирик ҳисоб қайд этилишини кутганмидингиз?

- Йўқ. Ғалабага келгандик, аммо бунақа йирик ҳисоб бўлишини кутмагандик.

- Жамоани ўйинга тайёрлаш қийиш бўлмадими? Чунки Максим Шацких “Пахтакор”га бегона бўлмаган...

- Қийин бўлмади. Ҳамма жамоага қарши тайёргарлик кўргандек тайёрландик. Йигитларга раҳмат. Ҳамма айтган кўрсатмаларимизни тўғри бажаришди.