Камолиддин Тожиев: "Бизда ҳар доим олий мақсад, бошқа мақсад йўқ"

Суперлиганинг 16-туридан ўрин олган “Машъал” – “Пахтакор” (0:1) учрашувидан кейинги матбуот анжуманида меҳмонлар бош мураббийи Камолиддин Тожиев иштирок этди.

- Ўйин 90 дақиқа давомида бизнинг назоратимиз остида ўтди. Вазиятлар яратяпмиз, фақат гол уриш панд беряпти. Шунинг устида ишлашимиз керак.

- Давралар оралиғида трансфер қилинган футболчилар сизни қониқтиряптими?

- Кўрдинглар, ҳимоячимиз яхши ўйнади. Ундан олдинги ўйинларда кўрганимизда ҳам қониқтиряпти. Бугун ҳам ўйини қаноатлантирди.

- Миллий терма жамоага чақирилган футболчиларни клубга қайтиб машғулотларга киришиб кетиши қандай? Муаммоларга дуч келинмайдими?

- Йўқ, бир-биримизни анчадан бери биламиз. Киришиб кетишда муаммо бўлмайди. Танаффус бўлгани учун ўйин тонусига кириб олишга қийналдик.

- Жамоангизнинг мақсади қандай?

- Бизда ҳар доим олий мақсад. Бошқа мақсад йўқ.