Жуд биринчи, Палмер кучли учликда! Энг кучлилар аниқланди

"Four Four Two" нуфузли портали мутахассислари қизиқарли рейтинг ва статистикалар билан футбол мухлисларини хурсанд қилишда давом этмоқда. Бу сафар дунёнинг энг яхши ҳужумкор ярим ҳимоячилари рейтинги тузилди.

Унга кўра, "Реал"нинг англиялик футболчиси Жуд Беллингем биринчи ўринни эгаллади. Иккинчи ўринда "Бавария" вакили Жамал Мусиала жойлашган бўлса, кучли учликни “Челси” аъзоси Коул Палмер якунлади.

Кейинги ўнталикка Мартин Эдегор, Флориан Вирц, Кевин де Брюйне, Фил Фоден, Бруно Фернандеш, Дани Ольмо ва Антуан Гризманн кирган.

Маълумот учун, 2024/2025 йилги мавсумда Беллингем 17 та ўйин ўтказиб, 4 та гол урди ва шерикларига 5 та голли узатма берди.